Chipre (provincia romana)

Chipre

Cyprus (la)
Localización
34°46′34″N 32°25′35″L
Capital	Paphos
Datos históricos
Precedido por	Período helenístico de Exipto
Creación	58 a. C.
Disolución	688
Sucedido por	Thema de Chipre (pt)

Chipre foi unha pequena provincia senatorial dentro do Imperio romano. Aínda que era unha pequena provincia, posuía varios santuarios relixiosos coñecidos e representaba un lugar destacado no comercio do Mediterráneo Oriental, especialmente na produción e comercio de cobre chipriota. Como estaba situado nunha importante posición estratéxica nas rutas comerciais do Mediterráneo Oriental, Chipre estaba controlado por potencias imperiais durante o primeiro milenio a.C. incluíndo: Asiria, Exipto, Macedonia, e en particular o Imperio romano. Chipre foi anexionado polos romanos no 58 a.C., pero ata o 22 a.C. cando Chipre converteuse nunha provincia senatorial oficial, o control da illa fluctuou entre os romanos e o imperio tolemaico. Desde a Batalla de Actium no 31 a.C. ata o século VII Chipre estivo controlada polos romanos. Chipre converteuse oficialmente en parte do Imperio Romano de Oriente no 293 d.C.

Baixo o dominio romano, Chipre dividiuse en catro distritos, Salamina, Pafos, Amathous e Lapethos. Pafos foi a capital da illa ao longo do período romano ata que Salamis foi refundada como Constantia no 346. O xeógrafo Ptolomeo rexistrou as seguintes cidades romanas: Pafos, Salamina, Amathous, Lapethos, Kition, Kourion, Arsinoe, Kyrenia, Chytri, Karpasia, Soli e Tamassos, así como algunhas cidades menores espalladas por toda a illa.

Mapa topográfico de Chipre coas cidades romanas

A continuación descríbese un esquema cronolóxico do Chipre romano, a súa historia política, economía e comercio, relixión, historia social, arte e cultura e as catástrofes naturais que afectaron a Chipre. A información sobre Chipre durante o goberno romano baséase principalmente en descubrimentos arqueolóxicos e epigrafía. Hai poucas evidencias literarias e textos moi raros nos que baseamos o noso coñecemento. Neste artigo séguese a convención de ortografía do Departamento de Antigüidades de Chipre.

Liña de tempo cronolóxica

• 80-58 a.C. reinado do rei Ptolomeo de Chipre.
• 58 a.C. Catón o novo aplicou a Lex Clodia de Chipre facendo que Chipre fora parte da provincia romana de Cilicia Catón foi procónsul de Chipre no 58-56 a.C.
• 52-51 a C. Tulio Cicerón Menor, fillo do famoso orador, convértese en procónsul de Cilicia e Chipre.
• 47 a.C. Chipre é entregado ao goberno exipcio de Cleopatra VII por Marco Antonio
• 31 a.C. Batalla de Accio, Marco Antonio e Cleopatra VII foron derrotados por Augusto e Chipre regresa ao dominio romano
• 22 a.C. Chipre converteuse nunha provincia senatorial separada de Cilicia con Nea Pafos como capital
• 21-12 a.C. Crease o calendario chipriota na honra de Augusto e da familia imperial
• 18, 17 e 15 a.C. Terremotos considerables, o peor no 15 destruíu a maior parte de Paphos.
• 2 a.C. Revisións feitas no calendario chipriota
• 16 d.C. Outro gran terremoto causou danos en toda a illa
• 45 d.C. Misión cristiá de Pablo e Bernabé en toda a illa
• 49 d.C. Bernabé a visita por segunda vez
• 65/66 d.C. O santuario de Apolo Hylates de Kourion é reconstruído despois do terremoto
• 66 d.C. Pafos recibiu o título de Claudio
• 70 d.C. Destrución de Xerusalén e chegada de xudeus en Chipre
• 76/77 d.C. Reconstrución a grande escala tralos destrutivos terremotos
• 116 d.C. Revolta xudía en Salamina
• 269 d.C. Breve invasión goda
• 293 d.C. Diocleciano reorganiza o Imperio romano en rexións, leste e oeste, Chipre queda no leste
• 342 d.C. Salamis e Pafos son destruídas por un gran terremoto
• 346 d.C. Salamis é refundada como Constantia, a capital de Chipre
• 365/70 d.c. Un terremoto destrúe Kourion

Véxase tamén

Bibliografía

• Karageorghis, Vassos (1982). Cyprus From the Stone Age to the Romans: The Roman Period. Col. Ancient Peoples & Places (en inglés). Londres: Thames & Hudson. ISBN 978-0500021026. 

Outros artigos

• Chipre